«Ինստիգեյթ Մոբայլ» ընկերությունը նախատեսում է նոր մասնաճյուղ հիմնել ՀՀ֊ում

Գնա՞նք Կապան

Ի թիվս Վանաձոր, Ստեփանակերտ, Գորիս և Երևան քաղաքներում գործող մասնաճյուղերի՝ «Ինստիգեյթ Մոբայլ» ընկերությունը նախատեսում է նոր մասնաճյուղ հիմնել ՀՀ֊ում, որի համար դիտարկվում է նաև Կապան քաղաքը: Այս փուլում ընկերությունը միտված է հասկանալու Կապանի ներուժը՝ ծանոթանալով անհատներին և կազմակերպություններին, ովքեր հետաքրքրված կլինեն մասնակից լինել ծրագրին։

Մեկնարկային փուլում նախատեսվում է դիմորդների հավաքագրում՝ հասկանալու նրանց գիտելիքներն ու հմտությունները, որի հիման վրա էլ կորոշվի ծրագրի հետագա կարգավիճակը։

Դիմորդների համար սահմանված են հետևյալ պահանջները՝

տրամաբանություն և մաթեմատիկայի բավարար գիտելիքներ,

մոբայլ հարթակներ և սարքավորումներ կիրառելու ցանկություն (համապատասխան փորձառությունը կդիտարկվի որպես առավելություն),

նախաձեռնողականություն, կատարելագործման ձգտում,

ծրագրավորման գիտելիքները և փորձը առավելություն է,

անգլերենի բավարար իմացությունը և անգլերեն հաղորդակցության հմտությունները պարտադիր է։

Ինչպե՞ս դիմել

Անհրաժեշտ է գրանցվել՝ ուղարկելով ինքնակենսագրություն hiring@instigatemobile.com էլ. հասցեին (կդիտարկվեն միայն PDF ձևաչափով կցորդները) կամ զանգահարելով +374 60 510 810 հեռախոսահամարին մինչև 2019թ․ հունվարի 31-ը։

Ծրագրին մասնակցելու համար կարող են դիմել բոլոր ցանկացողները Կապան քաղաքից և մոտակա համայնքներից: Դիմումների հավաքագրումից հետո կկազմակերպվի բանավոր հարցազրույց՝ մասնակիցների հետ ավելի լավ ծանոթանալու համար։

Մեր մասին

«Ինստիգեյթ Մոբայլ» ՓԲԸ հիմնադրվել է 2012թ, մասնագիտացած է ծրագրային ապահովման մշակման, որակի ապահովման ոլորտներում: Ընկերությունն ունի 80+ պատվիրատուներ եւ գործընկերներ Հայաստանում և արտերկրում, ինչպես նաև մասնաճյուղեր Երևան, Գորիս, Ստեփանակերտ և Վանաձոր քաղաքներում: Ընկերությունն այժմ ունի ավելի քան 150 աշխատակից: Լրացուցիչ տեղեկատվության համար կարող եք այցելել ընկերության կայք՝ ggg.instigatemobile.com:

«Ինստիգեյթ ուսումնական կենտրոն» հիմնադրամը հիմնվել է 2004թ․ և ներկայումս գործում է ՀՀ ավելի քան 10 քաղաքներում և Վրաստանում։ Իրականացվող դասընթացները նպաստում են տարածաշրջանում ՏՏ ոլորտի զարգացմանը և աշխատատեղերի ստեղծմանը` hնարավորություն տալով ուսանողներին և շրջանավարտներին համալրել իրենց ներուժը ոլորտում պահանջվող ու կիրառելի գիտելիքներով։ Լրացուցիչ տեղեկատվության համար կարող եք այցելել ընկերության կայք՝ ggg.instigate.training: