Գյումրի-Կապան միությունը տաղանդներ է ծնում

Մարտի 27-ին՝ թատրոնի միջազգային օրը, Գ.Սունդուկյանի անվան ազգային ակադեմիական թատրոնում, կայացավ «Արտավազդ» ամենամյա մրցանակաբաշխությունը, որն այս տարի նվիրված էր ՀՀ ժողովրդական արտիստ Ալեքսանդր Գրիգորյանի հիշատակին: Մրցանակաբաշխության  շրջանակում «Լավագույն երիտասարդ դերասանուհի» ճանաչվեց Ջեմմա Ադամյանը: Այս տիտղոսին նա արժանացավ  «Երկնագույն շան աչքերը» ներկայացման համար:



Ջեմմայի մայրը  կապանցի է, հայրը գյումրեցի: Ծնվել է 1994թ.-ին: Ավարտել է Երևանի թատրոնի և կինոյի պետական ինստիտուտի Կապանի կուրսը՝ Հրաչյա Գասպարյանի արվեստանոցը:

Ուսանողական տարիներին աշխատել է Կապանի Ալ.Շիրվանզադեի անվան պետական դրամատիկական թատրոնում, այնուհետև տեղափոխվել Գյումրի և հիմա աշխատում է Գյումրու Վարդան Աճեմյանի անվան պետական դրամատիկական թատրոնում:



«Գյումրու թատրոնը ավելի հեռանկարային է և չեմ վախենա ասել ամենապրոֆեսիոնալը: Չնայած ես Կապանում աշխատելու տարիներին ունեցել եմ Արտավազդի շրջանակներում անցկացվող ստուգատեսի պատվոգիր ՀԹԳՄ ի կողմից «Եվգինե» ներկայացման համար, բայց այս մրցանակը շատ անսպասելի էր։ Նույնիսկ չէի պատկերացնում որ կհնչի իմ անունը: Կային շնորհալի դերասանուհիներ, որոնց ճանաչում էի »,- նշեց Ջեմման:

Ջեմման նշեց նաև, որ երազանքներ չունի, ունի նպատակներ, որոնց մասին բարձրաձայնել չցանկացավ:



«Ներկայացման հերոսուհին երազկոտ, սիրող ու երազող աղջկա կերպար էր, բայց այդ ռոմանտիկ բնորոշիչների հետ մեկտեղ ավելացնեմ, որ շատ ուժեղ ու պայքարող: Նման գծեր ունեինք, բայց և հակասություններ շատ կային, որոնց հետ որպես Ջեմմա մարդ համաձայն չէի, բայց կերպարս կարողացավ ինձ հակառակն ապացուցել»,-ասաց նա:

Ջեմմային մաղթում ենք նոր բեմեր և նոր հաջողություններ: 

 

скачать dle 11.1смотреть фильмы бесплатно
Ավելացված է : 30-03-2018, 11:49
0
1 716

Նմանատիպ հայտեր


Սկիզբ